काठमाण्डौमा बिजुलीको पोलबाट करेन्ट लागेर आज एक पैदलयात्री गम्भीर घाइते भएका छन् ।
आज बिहान लाजिम्पाटस्थित उत्तरढोका सडक किनारमा हिँडिरहेका रामेछापको बेथान ३ घर भएका २९ वर्षीय राजु लामा करेन्ट लागेर गम्भीर घाइते भएका हुन । उनका दुबै खुट्टा जलेका छन् ।

लामाको बीर अस्पतालमा उपचार भइरहेको छ । सडक किनारमा हिँडिरहेका बेला बिजुलीको पोलमा करेन्ट सट भएर झिल्का उठेको र त्यसैबाट करेन्ट लागेको प्रहरीले जनाएको छ । काठमाडौंका सडक किनारका पोलहरुमा जथाभावि टाँगिएका तारमा सट हुने र आगो लाग्ने घटनाहरु सामान्य जस्तै भएका छन् ।

तर, सरोकारवाला निकायले चासो नदिएको स्थानीयको गुनासो छ । केही दिन अघि नयाँबानेश्वर, अनामनगर लगायतका क्षेत्रमा पनि पोलहरुमा करेन्ट सट भएर आगो लागेको थियो ।