पोखरा । सहरी विकासमन्त्री अर्जुननरसिंह केसीले पोखरा र लेखानाथ नगरपालिकालाई मिलाई पोखरा उपत्यका प्राधिकरण बनाउन लागिएको जानकारी दिएका छन् । 

नेपाल प्रेस युनियन कास्कीद्वारा आयोजित पत्रकार सम्मेलनमा उनले शक्तिका आडमा सार्वजनिक जग्गा ओगट्ने र पछि आफ्ना नाममा दर्ता गरेर बिक्री गर्ने प्रवृत्ति दृढतापूर्वक रोक्न लगाइएको बताए । उनले भूकम्प प्रतिरोधी भवनसंहिता लागू गरिने पनि बताए ।