काठमाडौँ । प्रधानमन्त्री केपी शर्मा ओली र एकीकृत नेकपा(माओवादी)का अध्यक्ष पुष्पकमल दाहालबीच आज समसामयिक राजनीतिक विषयमा भेटवार्ता भएको छ । 

सत्तारुढ दुई प्रमुख दलका अध्यक्ष समेत रहेका उनीहरुबीच राष्ट्रिय सहमति निर्माण लगायत विषयमा छलफल भएको बुझिएको छ यद्दपि भेटवार्ताबारे आँैपचारिक जानकारी दिइएको छैन । प्रधानमन्त्रीका प्रेस संयोजक चेतन अधिकारीले उनीहरुबीच भेटवार्ता भएको तर छलफलका विषयवस्तुबारे जानकारी नभएको बताए ।  

मङ्गलबार साँझ वर्तमान सरकारको नेतृत्व गरिरहेको नेकपा (एमाले) र सत्ता साझेदार एकीकृत नेकपा (माओवादी)का शीर्ष नेताको बैठक बसेको थियो । 
आज बिहान बसेको माओवादीको स्थायी समितिको बैठकले आफ्नै पार्टीको नेतृत्वमा सरकार बनाउने निर्णय गरेको थियो । माओवादी अध्यक्ष दाहाल पार्टीको निर्णय बारे जानकारी दिन बालुवाटार गएको बुझिएको छ ।