खोटाङ । दिक्तेलबाट यात्रु लिएर काठमाडौँ जाँदै गरेको यात्रुबाहक बस अर्खौलेको बर्खेटारमा दुर्घटना हुँदा १३ जनाको मृत्यु भएको छ ।  बा२ख ६३७६ नम्बरको यात्रुबाहक बस आज बिहान करिब साढे आठ बजे भएको दुर्घटनामा परी २६ जना यात्रु घाइते भएको प्रहरीले बताएको छ ।   

साँघुरो बाटो रहेको बर्खेटारमा सडकबाट करिब ५०० मिटर तल बस खसेको प्रत्यक्षदर्शीले बताएका छन् ।  

दिक्तेलबाट २८ जना यात्रु लिएर काठमाडौँ हिँडेको बसमा बीच बाटामा यात्रु चढेपछि करिब ४० जना यात्रु सवार रहेको जनाइएको छ । 

अहिले उद्दारको काम चलिरहेको प्रहरीले बताएको छ  । घटनास्थलमा जिल्ला प्रहरी कार्यालयबाट प्रहरी निरीक्षक सरोज राई लगायतको टोली पनि गएको छ । घटनाको विस्तृत विवरण आउनु बाँकी छ ।