काठमाडौँ । नेपाली काँग्रेसको १३औँ महाधिवेशनले निर्वाचित गर्ने खुलातर्फको २५ केन्द्रीय सदस्य पदमा भएको निर्वाचनको मतगणनामा नेता खुमबहादुर खड्काले अग्रता लिएका छन भने मतगणना आज  बिहानसम्मका लागि स्थगित भएको छ ।  काँग्रेस पार्टी केन्द्रीय कार्यालयमा भइरहेको मतगणनामा १५० मत गणना गर्दा खड्काले ९४ मत ल्याएका  छन भने दोस्रोमा प्रकाशमान सिंहले ९० मत प्राप्त गरेको निर्वाचन समितिका सदस्य जगनाथ श्रेष्ठले जानकारी दिए ।

उनका अनुसार तेस्रोमा डा शेखर कोइरालाले ८९, विमलेन्द्र निधिले ८८, प्रदीप गिरीले ८७, प्रदीप पौडेलले ८७, महेश आचार्यले ८७, बालकृष्ण खाँणले ८६, कुलबहादुर गुरुङले ८५, पूर्णबहादुर खड्काले ८४, रमेश लेखकले ७९, शङ्कर भण्डारीले ७८, सुजाता कोइरालाले ७८ मत प्राप्त गरेका छन् । त्यस्तै, केन्द्रीय सदस्यमा डा प्रकाशशरण महत ७७, डा मीनेन्द्र रिजाल ७७, गोपालमान श्रेष्ठ ७६, डा नारायण खड्का ७५, डा रामशरण महत ७४, विश्वप्रकाश शर्मा ७४, बलबहादुर केसी ७३, ज्ञानेन्द्रबहादुर कार्की ७३, एनपी साउद ७३, चन्द्र भण्डारी ७१, धनराज गुरुङ ७०, उदयशमशेर राणाले ६८ मत प्राप्त गरेका छन् ।

निर्वाचनमा खुला २५ पदका लागि ९० जनाले प्रतिस्पर्धा गरेका छन् । निर्वाचन समितिका सदस्य श्रेष्ठका अनुसार खुलातर्फको मतगणना बिहीबार बिहानबाट सुरु हुनेछ । महाधिवेशनबाट पार्टीका सभापतिमा शेरबहादुर देउवा, महामन्त्रीमा डा शशाङ्क कोइराला र कोषाध्यक्षमा सीतादेवी यादव विजयी भइसकेका छन् ।