देशान्तर मिडिया प्रा. लि
सूचना विभागमा दर्ता नं. : १४७१/०७६–७७
Office: ग्रविटी टावर, अनामनगर - ३२ काठमाडौँ
Phone: +९७७ ०२४-५२०५५५
Admin: [email protected]
News: [email protected]

वडामा हारेका कञ्चनपुरका नेता नगर सभापतिमा विजयी

देशान्तर

भीमदत्तनगर । नेपाली काँग्रेसको आसन्न १३औँ महाधिवेशनअन्तर्गत आइतबार सम्पन्न कञ्चनपुरको बेदकोट नगरपालिकाको नगर सभापतिमा हरि बोहरा भारी मतले विजयी भएका छन् ।  छ । नगर सभापतिमा विजयी बोहराले २८८ मत र प्रतिद्वन्द्वी राजेन्द्र भट्टले ६७ मत पाएका छन् । बेदकोट नगरको सचिवमा दीबहादुर कुँवर र कोषाध्यक्षमा सुवास मल्ल विजयी भए । काँग्रेस कञ्चनपुरका उपसभापतिसमेत रहेका बोहरा गत शुक्रबार सोही नगरपालिकाको वडा निर्वाचनमा पराजित भएका थिए ।

वडा नं ७ को निर्वाचनमा पराजय बेहोरेपछि उनको जिल्ला सभापति पदका लागि प्रतिस्प्रर्धा गर्ने बाटो बन्द भएको थियो । काँग्रेस कञ्चनपुरको सभापति पदका दाबेदारका रुपमा हेरिएका बोहराले अब २२ गते हुने क्षेत्रीय निर्वाचनमा महाधिवेशन प्रतिनिधि जितेपछि जिल्ला सभापति भिड्न बाटो खुल्नेछ ।  त्यसैगरी झलारीपिपलाडी नगरपालिकाको नगर सभापतिमा ३४० मत ल्याएर जयबहादुर विष्ट विजयी भएका छन् । उनका प्रतिद्वन्द्वी लोकराज उप्रेतीले २०२ मत प्राप्त गरे । त्यसैगरी सचिवमा देवराज जोशी र कोषाध्यक्षमा जयलाल महता विजयी भएका छन् ।

दोधाराचाँदनी नगरपालिकाको नगर सभापतिमा १६२ मत ल्याई डम्बर चन्द विजयी भएका उनले प्रतिद्वन्द्वी नाफुसिंह साउद र पुष्कर जोशीलाई पराजित गरे । सो नगर समितिको सचिवमा राजेन्द्र मल्ल र कोषाध्यक्षमा कर्णबहादुर सिंह निर्वाचित भएका छन् । त्यसैगरी कञ्चनपुरकै कृष्णपुर नगरपालिकामा भक्तबहादुर खत्रीले ११३ मत प्राप्त गरी सभापति पदमा निर्वाचित भएका छन । उनले प्रतिद्वन्द्वी बलराम पन्तलाई ८४ मतमा समिति पारे । खत्री नेतृत्वको नगर समितिको सचिवमा सुरज महता र कोषाध्यक्षमा निर्मला भट्ट विजयी भएका छन् । बेल्डाँडी नगरपालिकाको नगर सभापतिमा हर्कदेव जोशी विजयी भएका  छन् एक सय ३९ मत प्राप्त गरी विजयी जोशीले प्रतिद्वन्द्वी मदन खत्रीलाई ८५ मतमा सीमित पारे । बेल्डाँडी नगर सचिवमा गजबहादुर विष्ट र कोषाध्यक्षमा सरस्वती शाही विजयी भएका छन् ।

त्यस्तै पुनर्वास नगरपालिकाको नगर सभापतिमा एमप्रसाद पौडेल विजयी भए ।  पौडेलको १६३ मत छ भने उनका प्रतिद्वन्द्वी हरि अधिकारीले ११२ मत प्राप्त गरे । सो समितिको सचिवमा लोगबहादुर कार्की र कोषाध्यक्षमा निर्मल खडायत विजयी भएका छन् । त्यसैगरी बेलौरी नगरपालिकाको नगर सभापतिमा रामलाल राना विजयी भएका छन् । उनले १२४ प्राप्त गरे । त्यसैगरी समितिको सचिवमा मोहनदेव भट्ट र कोषाध्यक्षमा रघुवीरसिंह भण्डारी विजयी भएका छन् । 

 

 

]]>