लोकतन्त्र दिवसको अवसरमा नेपाल व्यापार संघद्वारा रक्तदान कार्यक्रम

 संघका अध्यक्ष गिरिराज पोखरेलसँगै कार्यक्रमका संयोजक तथा संघका उपाध्यक्ष किशोर कुमार गौतमले स्वयं रक्तदान गरी कार्यक्रमको शुभारम्भ तथा नेतृत्व गरेका थिए। उनीहरूको सक्रिय सहभागिताले अन्य सहभागीहरूलाई पनि प्रेरित गरेको थियो।

संयोजक गौतमले रक्तदानजस्तो पुण्य कार्यमा सहभागी भई कार्यक्रमलाई सफल बनाउने सम्पूर्णप्रति आभार व्यक्त गर्दै भविष्यमा पनि यस्ता सामाजिक कार्यलाई निरन्तरता दिने प्रतिबद्धता जनाए। त्यस्तै अध्यक्ष पोखरेलले व्यवसायसँगै समाजप्रतिको दायित्वलाई प्राथमिकतामा राख्दै यस्ता कार्यक्रममार्फत जनचेतना फैलाउने प्रयास जारी रहने बताउनुभयो । साथै अध्यक्ष पोखरेलले नेपाल व्यापार संघको नयाँ कार्यसमितिले गरेको यो पहिलो समाजिक कार्यमा उल्लेख्य सहभागिता रहकोमा सम्पूर्णलाई धन्यवाद समेत व्यक्त गरे । 

कार्यक्रममा निवर्तमान अध्यक्ष हरि गौतमले नयाँ कार्यसमितिले आफ्नो पहिलो कार्यक्रममै सामाजिक उत्तरदायित्वप्रति उच्च प्रतिबद्धता देखाएको भन्दै प्रशंसा गरेका छन्। उहाँले रक्तदानजस्तो मानवीय कार्यले संस्थाको गरिमा अझ उचो बनाएको उल्लेख गर्दै यस्ता अभियानले समाजमा सकारात्मक सन्देश प्रवाह गर्ने बताए ।

आयोजकका अनुसार कार्यक्रम शान्तिपूर्ण, व्यवस्थित र अत्यन्तै सफलतापूर्वक सम्पन्न भएको छ। कार्यक्रम सम्पन्न गर्नमा संस्थाका पदाधिकारीहरु कटिबद्ध भएर लागि परेका थिए । जसमा संस्थाका प्रथम उपाध्यक्ष जयकृष्ण शर्मा, प्रथम उपाध्यक्ष पार्वती पौडेल भट्ट, सचिव उद्धव प्रसाद गौतम, महासचिव ज्योति कुमार श्रेष्ठ, उपमहासचिव दिपक प्रसाद सापकोटा, जगन्नाथ खनाल, सचिव प्रितमराज पाठक, सदस्य महेशमित्र पण्डित, कार्यालय सचिव प्रतिमा गिरी लगायतका संस्थाका पदाधिकारीहरु कटिबद्ध भएर कार्यक्रममा विशेष भूमिका निर्वाह गरेका थिए ।