काठमाडौं । राष्ट्रपति रामचन्द्र पौडेलले प्रधानमन्त्री बालेन्द्र शाहको सिफारिसमा मन्त्रीपरिषद्का सदस्यहरूको मर्यादाक्रम हेरफेर गरेका छन् । नेपालको संविधानको धारा ७६ को उपधारा (९) अनुसार मर्यादाक्रम हेरफेर गरिएको हो ।
नयाँ मर्यादाक्रम अनुसार यसअघि तेस्रोमा रहेका गृहमन्त्री सुधन गुरुङ ५ औँ नम्बरमा पुगेका छन् । दोस्रोमा अर्थमन्त्री डा. स्वर्णिम वाग्ले कायम रहँदा तेस्रोमा परराष्ट्र मन्त्री शिशिर खनाल र चौंथोमा उर्जा, जलस्रोत तथा सिंचाई मन्त्री विराजभक्त श्रेष्ठ छन् ।
यस्तै छैठौंमा भौतिक, पूर्वाधार, यातायात तथा शहरी विकास मन्त्री सुनिल लम्साल, सातौंमा कानून, न्याय तथा संसदीय मामिला मन्त्री सोविता गौतम, आठौंमा महिला, बालबालिका तथा जेष्ठ नागरिक मन्त्री सीता वादी, नवौंमा संघीय मामिला तथा सामान्य प्रशासन मन्त्र प्रतिभा रावल र दशौंमा स्वास्थ्य तथा जनसंख्या, खानेपानी मन्त्री निशा मेहता छन् ।
यस्तो छ मर्यादाक्रम
क्रसं नाम थर पद कार्यविभाजन
१ श्री वालेन्द्र शाह प्रधानमन्त्री÷ रक्षा, उद्योग, वाणिज्य तथा आपूर्ति
२ डा. स्वर्णिम वाग्ले मन्त्री अर्थ
३ श्री शिशिर खनाल मन्त्री परराष्ट्र
४ श्री विराज भक्त श्रेष्ठ मन्त्री ऊर्जा, जलस्रोत तथा सिँचाइ
५ श्री सुधन गुरुङ मन्त्री गृह
६ श्री सुनिल लम्साल मन्त्री भौतिक पूर्वाधार तथा यातायात/ सहरी विकास
७ श्री सोविता गौतम मन्त्री कानून, न्याय तथा संसदीय मामिला
८ श्री सीता बादी मन्त्री महिला, बालबालिका तथा ज्येष्ठ नागरिक
९ श्री प्रतिभा रावल मन्त्री सङ्घीय मामिला तथा सामान्य प्रशासन/ भूमि व्यवस्था, सहकारी तथा गरिबी निवारण
१० श्री निशा मेहता मन्त्री स्वास्थ्य तथा जनसङ्ख्या/ खानेपानी
११ श्री सस्मित पोखरेल मन्त्री शिक्षा, विज्ञान तथा प्रविधि/ युवा तथा खेलकुद
१२ श्री खडक राज पौडेल मन्त्री संस्कृति, पर्यटन तथा नागरिक उड्डयन
१३ डा. विक्रम तिमिल्सिना मन्त्री सञ्चार तथा सूचना प्रविधि
१४ श्री गीता चौधरी मन्त्री कृषि तथा पशुपन्छी विकास/ वन तथा वातावरण
१५ श्री दिपक कुमार साह मन्त्री श्रम, रोजगार तथा सामाजिक सुरक्षा
Facebook Comments