हर्क साम्पाङ भन्छन्– हामी बैठकमा सहभागी हुँदैनौं

काठमाडौं । प्रधानमन्त्री बालेन्द्र शाहले मन्त्रीहरूसँगको छलफलपछि आजबाट सांसदहरूसँग प्रदेशगत छलफल शुरु गरेका छन् । उनले कर्णाली प्रदेशका सांसदहरूसँग छलफल गरिरहेका छन् ।

यता  श्रम, संस्कृति पार्टीका अध्यक्ष तथा कोशी प्रदेशबाट सांसद हर्क साम्पाङले प्रधानमन्त्रीले बोलाएको बैठकमा सहभागी नहुने बताएका छन्। प्रतिनिधिसभा बैठक बोलाउन माग गर्दै उनले सामाजिक सञ्जालमा भनेका छन्, ‘प्रधानमन्त्रीले सदन बोलाउन पहल नगरी कोठे बैठकमा बोलाएको कारण थाहा भएन। हामी आउँदैनौँ।’

उनले अगाडि थपेका छन्, ‘सदन बैठक कम्तीमा हप्ताको एक पटक राख्नुपर्छ। जनताका प्रश्नबाट भाग्न पाइँदैन, सबै प्रश्नको उत्तर दिनैपर्छ।’ चरणबद्ध रूपमा सबै प्रदेशका सांसदसँग प्रधानमन्त्रीले छलफल गर्ने प्रधानमन्त्री शाहको सचिवालयले जनाएको छ ।