काठमाडौँ । ग्यासको कृत्रिम अभाव देखाएर कालोबजारी गर्नेलाई कारबाहीको माग गरिएको छ । ग्यास बिक्रेता महासंघ नेपालले प्रेस विज्ञप्ति जारी गर्दै बजारमा खाना पकाउने ग्यासको कृत्रिम अभाव देखाएर तोकिएको मूल्य भन्दा बढीमा ग्यास बेच्नेलाई कारबाही गर्न माग गरेको हो ।
महासंघले बजारमा ग्यास अभाव भएको र केही ठाउँमा विक्रेताहरूले अनुचित मूल्य लिएर उपभोक्तालाई मर्कामा पारेको समाचारप्रति आफ्नो गम्भीर ध्यानाकर्षण भएको जनाएको छ ।
मध्यपूर्गमा देखिएको अशान्तिका कारण उपभोक्तामा भविष्यमा ग्यास नपाइने चिन्ता हुनु स्वाभाविक भएको भन्दै यही परिस्थितिमा तोकिएको मूल्यभन्दा बढीमा ग्यास बिक्री गर्नु अपराध भएको महासंघको ठहर छ ।
त्यस्तै, महासंघले देशभरका आमविक्रेतालाई कुनै पनि गैरकानुनी काम नगर्न र जिम्मेवार भएर सेवा प्रवाह गर्न पनि अपिल गरेको छ ।
साथै संकटका बेलामा उपभोक्ता ठग्नेहरुको पहिचान गरी कडा कारवाही गर्न पनि महासंघले माग गरेको छ ।
Facebook Comments