तीन प्रदेशमा एमालेको प्रतिनिधित्व शून्य

काठमाडौं । प्रतिनिधिसभा सदस्य निर्वाचनअन्तर्गत प्रत्यक्षतर्फ एमाले तीन प्रदेशमा प्रतिनिधित्व शून्य हुने देखिएको छ । 

फागुन २१ गते भएको मतदानको १६५ निर्वाचन क्षेत्रको नतिजा आउने क्रम अन्तिम चरणमा पुगेको छ । सार्वजनिक नतिजा अनुसार सबैभन्दा बढी जित निकाल्नेमा सबै प्रदेशको प्रतिनिधित्व गर्दै राष्ट्रिय स्वतन्त्र पार्टीले ११२ सिटमा जित निकालेको छ । 

रास्वपाको अझै १४ सिटमा अग्रता छ । त्यसैगरी दोस्रोमा नेपाली कांग्रेसले १५ सिट जित्दा २ क्षेत्रमा अग्रता छ । कांग्रेसले पनि सबै प्रदेशको प्रतिनिधित्व गरेको छ ।  

नेकपा एमालेले प्रत्यक्षतर्फ सात सिट जितेको छ । जारी मतगणनामा एमालेले ३ सिटमा अग्रता बनाएको छ । नेकपाले ६ सिटमा जित हासिल गर्दा बाँकी १ सिटमा अग्रता बनाएको छ । श्रम संस्कृति र राप्रपाले १÷१ सिट जित्दा स्वतन्त्रले १ सिट जितेको छ ।

प्रत्यक्षतर्फ एमालेबाट निर्वाचित सांसद

१. मोहम्मद इश्तियाक राई, बाँके–२

२.सुहाङ नेम्वाङ, इलाम–२

३.गणेश सिंह ठगुन्ना, दार्चुला–१

४.ऐनबहादुर महर, बझाङ–१

५.राजेन्द्रकुमार राई, धनकुटा–१

६.क्षितिज थेबे, ताप्लेजुङ–१

७. लक्ष्मीप्रसाद पोखरेल, दैलेख–२