काठमाडौं । गुल्मी–१ मा २०७९ को प्रतिनिधिसभा निर्वाचनमा उम्मेदवार बनेका दामोदर भण्डारीले राष्ट्रिय स्वतन्त्र पार्टी (रास्वपा) परित्याग गरेका छन् ।
भण्डारीले सोमबार पार्टीको साधारण सदस्यसहित सम्पूर्ण जिम्मेवारीबाट राजीनामा दिएको औपचारिक घोषणा गरेका छन् ।
सो क्षेत्रमा कांग्रेसबाट चन्द्रकान्त भण्डारी, एमालेबाट प्रदीप ज्ञवाली र रास्वपाबाट सागर ढकालबीच मुख्य प्रतिस्पर्धा छ ।
भण्डारीले जारी गरेको वक्तव्यमा पार्टीको उम्मेदवार छनोट प्रक्रियाप्रति असन्तुष्टि जनाउँदै योगदान, त्याग र इमानदारीभन्दा पहुँच र प्रभावलाई प्राथमिकता दिइएको आरोप लगाएका छन् ।
उनले प्रक्रियाविहीन र अपारदर्शी ढंगबाट उम्मेदवार चयन गरिएको उल्लेख गरेका छन् । पार्टीले बोलेका मूल्य, विधि र राजनीतिक नैतिकतासँग गम्भीर रूपमा बाझिएको भण्डारीको आरोप छ ।
२०७९ को निर्वाचनमा उनले एक हजार ८८२ मत प्राप्त गरेका थिए । सो निर्वाचनमा गुल्मी–१ बाट रास्वपाले समानुपातिकतर्फ आठ हजार ११६ मत प्राप्त गरेको थियो ।
Facebook Comments