काठमाडौं । कांग्रेस–एमाले–जसपा गठबन्धनले राष्ट्रिय सभा निर्वाचनमा लुम्बिनीमा तीनवटै सदस्य जितेको छ। महिलातर्फ गठबन्धनबाट एमाले उम्मेदवार रामकुमारी झाक्री, अपांगतातर्फ कांग्रेसका बासुदेव घिमिरे ‘जंगली’ र अन्यमा कांग्रेसकै चन्द्रबहादुर केसी निर्वाचित भएका हुन्।
निर्वाचन अधिकृतको कार्यालयका अनुसार आइतबार साँझ मतगणना सकिएकोमा झाक्रीले ६ हजार ३३० मतभार पाइन्।
त्यहाँ नेपाली कम्युनिस्ट पार्टीका उम्मेदवार दुर्गा भण्डारीले १ हजार ३६२ र राष्ट्रिय जनमोर्चाकी पद्मा पण्डितले १४२ मत ल्याए ।
अपांगतातर्फ जंगली ५ हजार ३२२ मतभार प्राप्त गर्दै विजयी भए। नेकपाका सजन विकले १ हजार ६०१ मतभार ल्याए।
अन्य क्लस्टरमा कांग्रेसकै चन्द्र बहादुर केसी ५ हजार ९७७ मतभार प्राप्त गर्दै निर्वाचित भए। माओवादी केन्द्रका बृहस्पति अधिकारीले १ हजार ८३२ मत ल्याए।
राष्ट्रिय जनमोर्चाका बमबहादुर खत्रीले १३३ मत ल्याए।
Facebook Comments