सशस्त्रका ६ डीआईजीको सरुवा

काठमाडौं । सशस्त्र प्रहरीका ६ जना सशस्त्र प्रहरी नायव महानिरीक्षक (डीआईजी)हरूको सरुवा गरिएको छ ।

गृहमन्त्री ओमप्रकाश अर्यालले डीआईजीहरुको सरुवा गर्ने निर्णय गरेका हुन् । डीआईजी कुमार न्यौपानेलाई सशस्त्र प्रहरी हेड्क्वार्टरको मानवस्रोत विभागमा सरुवा गरिएको छ । न्यौपाने नम्बर–१ बराह बाहिनीमा कार्यरत थिए ।

लक्ष्मणबहादुर सिंहलाई सुरक्षा परिषद्को सचिवालय, प्रदीपकुमार पाललाई कार्य विभाग र पुरुषोत्तम थापालाई सशस्त्र प्रहरी प्रशिक्षण प्रतिष्ठानमा सरुवा गरिएको छ ।  

विष्णुप्रसाद भट्टलाई सशस्त्र प्रहरी महानिरीक्षकको सचिवालयमा र मनीषकुमार थापालाई नम्बर–१ बराह बाहिनी मुख्यालय, सुनसरीमा सरुवा गरिएको छ ।