शुक्रबारदेखि नेपाली सिरिज “घर...एक सपना”

काठमाडौं ।  नेपाली दर्शकहरूका लागि कन्टेन्ट प्रस्तुत गर्दै आएको DishHome Go OTT  एपले भोलि शुक्रबारदेखि नेपाली सिरिज “घर...एक सपना” DishHomeGO OTT एपमा स्ट्रिमिङका लागि उपलब्ध गराउने भएको छ।

सरोज खनाल, लक्ष्मी गिरी, विश्व बस्नेतलगायत चर्चित कलाकारहरूको अभिनय रहेको नेपाली सिरिज “घर... एक सपना” अब DishHomeGO OTT  एपमा  दर्शकले हेर्न सक्नेछन् ।

आयुषा पोखरेलको प्रस्तुति रहेको यस सिरिजले एक नेपाली परिवारको बिखरिँदो सम्बन्ध, जिम्मेवारी, लोभ र सपनाबीचको द्वन्द्वलाई मार्मिक र यथार्थपरक ढंगले प्रस्तुत गरेको छ । कथावस्तुले पात्रहरूलाई जीवनका कठोर मोडहरू हुँदै घर, परिवार र सम्बन्धको वास्तविक मूल्य बुझ्ने भावनात्मक यात्रामा अघि बढाउँछ।

लेखक तथा निर्देशक अजित लामिछानेको निर्देशनमा बनेको यस सिरिज नेपाली चलचित्र तथा टेलिभिजन क्षेत्रका अनुभवी र लोकप्रिय कलाकारहरूको सशक्त अभिनयले सुगन्ध भरिदिएको छ ।

सिरिजमा विश्व बस्नेत, सुरेश थापा, सृजना अधिकारी, बिप्लभ लोहनी, पुष्पाञ्जली लिम्बु र सुनील तामाङको पनि अभिनय देख्न पाईने छ। पारिवारिक सम्बन्धको गहिराइ, भावनात्मक उतारचढाव र सामाजिक यथार्थलाई केन्द्रमा राखेर सिरिजलाई प्रभावशाली रूपमा प्रस्तुत गरिएको छ । 

DishHomeGO OTT  एप नेपालकै अग्रणी डिजिटल मनोरञ्जन प्लेटफर्म हो, जहाँ नेपाली तथा अन्तर्राष्ट्रिय खेलकुद, चलचित्र, सिरिज, मनोरञ्जनात्मक सामग्रीहरू तथा लाईभ टेलिभिजन सहज रूपमा उपलब्ध छन्। DishHome ले आफ्ना दर्शकहरूलाई गुणस्तरीय, नयाँ र मौलिक नेपाली सामग्री प्रदान गर्दै डिजिटल मनोरञ्जनको अनुभवलाई अझ समृद्ध र रोमाञ्चक बनाउँदै आएको छ।