काठमाडौँ । नेकपा (एमाले)का अध्यक्ष तथा निःवर्तमान प्रधानमन्त्री केपी शर्मा ओलीले संसद विघटनसम्बन्धी मुद्दामा सर्वोच्च अदालतले अविलम्ब फैसला गर्नुपर्ने बताएका छन् । देश अप्ठ्यारो परिस्थितिमा रहेकाले अदालतले ढिलाइ नगरी निर्णय दिनु आवश्यक रहेको उनले जिकिर गरे ।
मंगलबार काठमाडौँमा आयोजित एक कार्यक्रममा बोल्दै अध्यक्ष ओलीले समयमा न्याय नपाइनु वा ढिलाइ गरी न्याय दिनु भनेको न्याय नदिनु सरह हुने धारणा व्यक्त गरे । उनले मुलुकलाई वर्तमान संकटबाट बाहिर निकाल्न अदालतले तदारुकताका साथ निर्णय गर्नुपर्ने बताए ।
उनका अनुसार संसद विघटनसम्बन्धी मुद्दामा अब प्रतिनिधिसभा पुनःस्थापना बाहेक अर्को विकल्प नरहेको दाबी गरे । अदालतले फैसला गरेसँगै देशको राजनीतिक निकास खुल्ने भन्दै उनले यस विषयमा अनावश्यक विलम्ब हुनु नहुने बताए ।
अध्यक्ष ओलीले जटिल राजनीतिक अवस्थाबाट लोकतन्त्रलाई पुनःस्थापना गर्दै अगाडि बढ्न छिटो फैसला अपरिहार्य रहेको उल्लेख गरे । यदि यसमा ढिलाइ गरिए भविष्यमा निर्णयको अर्थ नै नहुने अवस्था आउन सक्ने चेतावनीसमेत उनले दिए ।
उनले सर्वोच्च अदालतलाई देशको अवस्थालाई ध्यानमा राखेर तीव्रता र जिम्मेवारीका साथ निर्णय गर्न आग्रह गर्दै संसद विघटनसम्बन्धी मुद्दामा शीघ्र निष्कर्ष निकाल्न पुनः जोड दिएका छन् ।
Facebook Comments