काठमाडौं । सीजी इलेक्ट्रोनिक्सअन्तर्गतको सीजी इलेक्सले जाडोयाम तथा नेपाल प्रिमियर लिग (एनपीएल) लाई लक्षित गर्दै किस्ता (ईएमआई) तथा साटासुट सेवा समावेश भएको नयाँ अफर सार्वजनिक गरेको छ ।
कम्पनीका अनुसार, पुराना उपकरण साट्दा बजारअनुसार नै उच्च मूल्यांकन प्राप्त हुनेछ भने नयाँ उपकरण किस्तामा किन्न दैनिक ४५ रुपैयाँदेखि सुरु हुने सुविधासमेत उपलब्ध हुनेछ ।
अफरमा टेलिभिजन, फ्रिज, धुने मेसिन, हावाताप नियन्त्रण यन्त्र, भाँडा धुने मेसिन, पाकघर रेनज, चिम्नीलगायत घरायसी प्रयोजनका मुख्य सामान समावेश गरिएका छन् । क्रिकेट सिजनलाई ध्यानमा राखेर चार–के स्मार्ट टेलिभिजनका विभिन्न मोडेलमा विशेष किस्ता तथा साटासुट सुविधा उपलब्ध गराइएको कम्पनीले जानकारी दिएको छ ।
४३ इन्चभन्दा ठूला स्मार्ट टेलिभिजन खरिद गर्ने उपभोक्ताले करिब दुई हजार दुई सय रुपैयाँ बराबरको नेट–टीभी नौ महिनाको निःशुल्क सदस्यता प्राप्त गर्नेछन् ।
अफरमा रहेका ब्रान्डहरूमा एलजी, सीजी इन्स्पायरिङ, सीजी मेरिडिया, गोड्रेज, टीसीएल, बर्ली, केन्ट आरओ, माइ्डिया, बेको, ब्ल्याक–डेक्कर, एलिका, सेन्सेई र क्रोम्प्टन समावेश छन् ।
कम्पनीका अनुसार, पुराना उपकरण ल्याएर साटासुट गर्दा पाउने मूल्यांकन सोही आधारमा नयाँ उपकरण खरिदमा प्रत्यक्ष रूपमा समायोजन गरिनेछ । उपभोक्ताले सीजी इलेक्सको आधिकारिक वेबसाइटमार्फत आफ्नै पुरानो उपकरणको मूल्यांकन अनलाइन स्वयं चेक गर्न सक्ने सुविधा पनि उपलब्ध छ । मूल्यांकन तुरुन्तै प्राप्त हुने भएकाले उपभोक्ताको निर्णय प्रक्रिया अझ छिटो र पारदर्शी हुने कम्पनीको भनाइ छ ।
किस्ता सुविधालाई थप सहज बनाइएको कम्पनीले जनाएको छ । सीजी इलेक्सले जगदम्बा हायर पर्चेजसँगको सहकार्यमार्फत ‘नागरिकता भए पुग्छ’ सेवा सुरु गरेको छ । यसअनुसार किस्ता लिन उपभोक्ताले जमानतदाता प्रस्तुत गर्नुपर्दैन । केवल नागरिकता भए किस्ता स्वीकृति छिटो र सरल रूपमा हुने कम्पनीको दाबी छ ।
Facebook Comments