प्रधानमन्त्रीसँग जेनजी आन्दोलनका घाइतेले राखे ५ बुँदे माग

काठमाडौं । जेनजी आन्दोलनका घाइतेले प्रधानमन्त्री सुशीला कार्कीसँग प्रधानमन्त्री निवास बालुवाटारमा भेटवार्ता गरेका छन् ।

उनीहरूले प्रधानमन्त्रीसँग ५ बुँदे माग राखेका छन् । घाइतेहरूले गोली प्रहार गर्नेलाई कारबाही, संविधानको सुधार, आन्दोलनको संरक्षण, भ्रष्टाचारको छानबिन लगायतका माग राखे ।

प्रधानमन्त्री कार्कीले घाइतेहरूका माग सम्बोधन गर्न सरकार सकारात्मक रहेको बताएकी थिइन् ।

उनले जनेजी आन्दोलनले दिएको म्यान्डेटअनुसार चल्ने र सरकारले तोकेको समयमा नै निर्वाचन हुने पनि स्पष्ट पारिन् ।