काठमाडौं । शेयर धितो कर्जाको एकल ग्राहक कर्जा सीमा हटाइएको छ ।
नेपाल राष्ट्र बैङ्कले एकीकृत निर्देशन, २०८१ मा संशोधन गरी २५ करोडको शेयर धितो कर्जाको एकल ग्राहक कर्जा सीमा हटाएको हो ।
शेयर लगानीकर्ताहरूले लामो समयदेखि सीमा हटाउन माग गर्दै आएका थिए । पुँजी बजार सुधारका लागि बनेको कार्यदलले पनि यो सीमा हटाउन सुझाव दिएको थियो । जस अनुसार राष्ट्र बैङ्कले शेयर धितो कर्जाको सीमा हटाएको हो ।
यसअघि कुनै एक वा सबै इजाजतपत्र प्राप्त संस्थाहरूबाट शेयर धितोमा प्रवाह हुने मार्जिन प्रकृतिको कर्जाको अधिकतम एकल ग्राहक कर्जा सीमा कुल २५ करोड रुपैयाँ कायम थियो ।
यस्तो कर्जा प्रवाह गर्ने बैङ्क तथा वित्तीय संस्थाले कर्जा प्रवाह वा नवीकरण गर्दा उक्त सीमा ननाघेको यकिन गरेर मात्र कर्जा प्रवाह नवीकरण गर्नु पर्ने व्यवस्था थियो ।
Facebook Comments