September 19, 2021, Sunday
२०७८ आश्विन ३
ताजा अपडेट

एक सातामा बाढी-पहिरो र डुबानबाट १७ को मृत्यु, १७ घाइते, २२ जना बेपत्ता

  •  
  •  
  •  
  •  
  •  
  •  
  •  
  •  

काठमाडौं । अविरल वर्षापछि देशका विभिन्न स्थानमा आएको बाढी, पहिरो र डुबानमा परी जेठ ३० गतेदेखि शनिबार दिउँसोसम्म १७ जनाको ज्यान गएको छ ।

मृत्यु हुनेहरूमा १० जना पुरुष, ४ जना महिला, २ जना बालक र १ जना बालिका रहेका छन् । तीमध्ये सिन्धुपाल्चोकमा ३ जना, डोटीमा ३ जना, सप्तरी, काभ्रे, गोरखा, जुम्ला, अर्घाखाँची, पाल्पा, कास्की, कालिकोट, बाजुरा, बझाङ र प्युठानमा १–१ जना रहेको प्रहरीले जनाएको छ ।
बाढी, पहिरो र डुबानमा परी १७ जना घाइते भएका छन् । तीमध्ये १० जना पुरुष, ४ जना महिला, १ जना बालक र २ जना बालिका रहेका छन् । उनीहरुमध्ये सिन्धुपाल्चोकमा ५ जना, म्याग्दी र डोटीमा ३–३ जना, जुम्लामा २ जना, कास्की, स्याङजा, चितवन र सल्यानमा १–१ जना रहेका छन् ।

Advertisement

यसैगरी बाढी पहिरोमा परी २२ जना बेपत्ता भएका छन् । तीमध्ये १५ जना पुरुष, ५ जना महिला र २ जना बालक रहेका छन् । उनीहरुमध्ये सिन्धुपाल्चोकमा २१ जना र बाजुरामा एक जना रहेका छन् । वेपत्ताको खोजी कार्य जारी छ ।

बाढी तथा पहिरोमा परेका सिन्धुपाल्चोकमा ९४ जना, सल्यानमा ८ जना, दाङमा ४ जना र कञ्चनपुरमा ३ जना गरी १०९ जनाको उद्दार गरिएको पनि प्रहरीले जनाएको छ । उक्त घटनाबाट प्रभावित स्थानहरुमा भएको क्षति न्यूनीकरण र उद्दारमा सम्बन्धित प्रहरी कार्यालयबाट प्रहरी उद्धारमा सक्रिय रुपमा संलग्न रहेको नेपाल प्रहरीको केन्द्रीय समाचार कक्षले जनाएको छ ।


  •  
  •  
  •  
  •  
  •  
  •  
  •  
  •