काठमाडौं । सभामुख अग्नीप्रसाद सापकोटाले आज प्रतिनिधिसभामा प्रतिनिधित्व गर्ने दलका शीर्ष नेताहरुको बैठक आव्हान गरेका छन् ।
बैठकमा प्रधानमन्त्री केपी ओलीलाई समेत बोलाइएको सभामुखको सचिवालयले जनाएको छ ।
प्रधानमन्त्री ओली बैठकमा जाने या नजाने भन्नेबारे टुङ्गो भने लागि सकेको छैन ।
बैठक आज अपरान्ह संघीय संसद भवन नयाँ बानेश्वरमा तय गरिएको छ ।
जेठ ८ मा सरकारको सिफारिसमा राष्ट्रपति विद्यादेवी भण्डारीले प्रतिनिधिसा विघटन गरी कार्तिक २६ र मसिर ३ गतेको लागि चुनावको मिति तय गरेपछि सापकोटाले आगामी कदम बारेमा परामर्श लिन यसअघि पूर्वसभामुखहरु कानुन व्यवासयी एवं राजनीतिक दलका नेताहरुसंग छुट्टाछुट्टै छलफल गरेका थिए ।
प्रतिक्रिया