काठमाडौं । नेपालमा पछिल्लो २४ घण्टामा पाँच हजार ५५ जना कोरोना संक्रमित उपचारपछि निको भएका छन् ।
स्वास्थ्य तथा जनसंख्या मन्त्रालयको मंगलबारको तथ्यांकका अनुसार पछिल्लो २४ घण्टामा पाँच हजार ५५ जना कोरोना संक्रमित निको भएका छन् । योसँगै नेपालका कोरोना निको हुनेको संख्या ३ लाख २१ हजार ५१८ जना पुगेको छ । नेपालमा निको हुने संक्रमितको दर ७४ दशमलब ६ प्रतिशत छ।
पछिल्लो २४ घण्टामा देशभर नेपालमा आठ हजार ९६० जना व्यक्तिमा कोरोना संक्रमण पुष्टि भएको छ । नयाँ संक्रमित थप भएसँगै एक लाख पाँच हजार २०७ जना सक्रिय संक्रमित रहेका छन् । ४९७ जना व्यक्ति क्वारेन्टाइनमा छन् । पछिल्लो २४ घण्टामा कोभिड संक्रमणबाट २१४ जनाको मृत्यु भएको छ । योसँगै नेपालमा कोभिडका कारण मृत्यु हुनेको संख्या ४ हजार ४६६ पुगेको छ ।
प्रतिक्रिया