काठमाडौं । कोरोना संक्रमण बढिरहेका बेला पत्रकारहरुको रोग प्रतिरोधात्मक क्षमता बढाउनका लागि नेपाल पत्रकार महासंघले योगाभ्यास तथा सत्संग कार्यक्रम सञ्चालन गर्ने भएको छ ।
महामारीबीच पनि सञ्चारकर्ममा सक्रिय भइरहनुपरेको भन्दै पत्रकारहरू बढि जोखिममा हुने भएकाले महासंघले योगाभ्यास तथा सत्संग कार्यक्रम सञ्चालन गर्न लागेको हो ।
कोरोना कहिलेसम्म रहने, कस्तो भेरियन्टमा रहने, कति वर्षसम्म यसको असर रहने भन्नेबारे थाहा नभएकाले रोग प्रतिरोधात्मक क्षमता बढाउनुको विकल्प नभएको महासंघले जनाएको छ ।
जुम प्रविधिबाट गर्न सिकाइने भएकाले २२ गतेदेखि हरेक दिन बिहान ४:३० बजेबाट ६ बजेसम्म सम्पूर्ण व्यायाम गरिसक्नुपर्ने महासंघले जारी गरेको विज्ञप्तिमा उल्लेख गरिएको छ ।
प्रतिक्रिया