काठमाडौँ – नयाँ सरकार गठनलाई लिएर कांग्रेसले शुक्रबार (भोली ) नेकपा माओवादी केन्द्र र जनता समाजवादी पार्टी ( जसपा ) सँग संयुक्त छलफल गर्ने भएको छ।

नयाँ सरकार गठनमा अनिर्णित भएको आरोप खेपेको कांग्रेसले शुक्रबार दुई बजेपछि जसपा र माओवादीसँग बस्न लागेको हो।
स्रोतका अनुसार यी दुई पार्टीको अन्तिम निर्णय यस छलफलबाट लिने तयारी कांग्रेसले गरेको छ।

स्रोतले भन्यो,‘ सभापति देउवाले शुक्रबार जसपा र माओवादीसँग छलफल गर्ने तयारीमा हुनुहुन्छ। नयाँ सरकार गठनमै छलफल केन्द्रीत हुनेछ।

यसैबिच देउवालाई बिहीबार माओवादी केन्द्रका प्रवक्त नारायणकाजी श्रेष्ठले भेटेर सरकार गठनमा ढिलाई नगर्न आग्रह गरेका छन्।