काठमाडौं – अखिल नेपाल फुटबल संघ (एन्फा) ले राष्ट्रिय फुटबल टिमको मुख्य प्रशिक्षकमा कुवेतका अब्दुल्लाह अलमुताइरीलाई नियुक्त गरेको छ । एन्फाले अब्दुल्लाहलाई एक वर्षका लागि नियुक्त गरेको हो ।

आगामी जुन महिनामा हुने विश्वकप छनोटका खेल र आगामी सेप्टेम्बरमा हुने साफ च्याम्पियनसीपमा अब्दुल्लाहले नेपाली टिम सम्हाल्ने भएका छन् । उनले यसअघि प्रशिक्षक रहेका बालगोपाल महर्जनको ठाउ लिने छन् ।

महर्जनको नेतृत्वमा नेपालले थ्री नेसन्स कप जितेको थियो । अब्दुल्लाहले यस अघि कतार, साउदी अरेबिया, किर्गिस्तानका टिमको प्रशिक्षकको भूमिका निभाएका छन् ।