च्याम्पियन्स लिग फुटबलका खेलहरु आजबाट शुरु हुँदैछन् । कोरोना भाइरसको महामारीका कारण रोकिएका खेलहरु आजबाट पुनः शुरु हुन लागेका हुन् ।
युरोपियन क्लब फुटबलको सर्वोच्च प्रतियोगिता च्याम्पियन्स लिगको प्रि–क्वाटरफाईनल दोस्रो लेगका दुई वटा खेल आज राति हुनेछन् ।
आज इंग्ल्याण्डको म्यान्चेस्टर सिटी र स्पेनको रियाल मड्रिड भिड्दैछन् ।
यी दुई टोलीबीचको पहिलो लेगको खेलमा म्यान सिटी २–१ ले विजयी भएको थियो । आजै इटालीको युभेन्टसले फ्रान्सको लियोंसँग खेल्नेछ । पहिलो लेगमा लियोंले युभेन्टसलाई १–० ले हराएको थियो ।
च्याम्पियन्स लिग राउण्ड अफ सिक्सटिनका अन्य दुई खेलहरुमा भोलि राति बार्सिलोना र नापोली तथा बायर्न म्युनिख र चेल्सी भिड्दैछन् ।
प्रतिक्रिया