काठमाडौं । महानगरीय प्रहरी वृत दरबारमार्गका डिएसपी रन्जन दाहाललाई हटाइएको छ ।
मंगलबार कमलादीबाट बरामद गरेको भनिएको साढे १४ किलो चाँदी र आधा किलो सुन अप्रेशनमा व्यसायिकता प्रदर्शन गर्न नसकेको भन्दै प्रहरी प्रधान कार्यालयले उनलाई हटाएको हो ।
दाहालको राष्ट्रिय प्रहरी प्रशिक्षण प्रतिष्ठानमा काज सरुवा गरिएको छ ।
महानगरीय प्रहरी वृत दरबारमार्गमा डिएसपी रामेश्वर पौडेललाई पठाइएको छ । पौडेल यसअघि राष्ट्रिय प्रहरी प्रशिक्षण प्रतिष्ठानमा कार्यरत थिए । दाहालले कमलादी घटनाको अप्रेसन गरेका थिए ।
सो काण्डमा संलग्न भएको आशंकामा प्रहरीले पाँच जनालाई पक्राउ गरेको छ । मंगलबार काठमाडौंको कमलपोखरी चोकमा चेकजाँचका क्रममा बा ६ च ५५१९ नम्बरको स्कारपियो गाडी भागेको थियो । प्रहरीले पिछा गरेपछि कमलादीमा साढे १४ किलो सुन जस्तै पहेंलो बस्तु र दुई थान पेस्तोल फालेर सो स्कारपियो भागेको प्रहरीले पत्रकार सम्मेलनमा बताएको थियो ।
प्रतिक्रिया