काठमाडौँ – प्रधानमन्त्री केपी शर्मा ओलीले बिहीबार मध्याहन्न राष्ट्रपति विद्यादेवी भण्डारीसँग परामर्श गरेका छन् ।
बालुवाटारबाट बिहान ११ बजेपछि शीतल निवास पुगेका प्रधानमन्त्री ओली झण्डै ४० मिनेट राष्ट्रपति भण्डारीसँग परामर्श गरी फर्किएका हुन् । नेकपाका अध्यक्ष समेत रहेका प्रधानमन्त्री ओली स्थायी कमिटि बैठक सुरु नगरी राष्ट्रपति कार्यालय शीतल निवास गएका थिए ।
नेकपामा अर्का अध्यक्ष पुष्पकमल दाहाल र माधवकुमार नेपाल पक्षले ओलीले दुवै पदबाट राजीनामा दिनु पर्ने माग गरेका छन् । उनीहरुले बुधबार बेलुका झम्सिखेलमा छुट्टै भेला गरेर शक्ति प्रदर्शन पनि गरेका थिए ।
बिहीबार बिहान ओली पक्षीय नेताहरु मध्यमार्गी विकल्प लिएर छलफलका लागि खुमलटार पुगेका थिए । त्यहाँबाट आफू पक्षीय नेताले ल्याएको सन्देश सुनेपछि ओली शीतल निवास जानुलाई अर्थपूर्ण रुपमा हेरिएको छ । ओली शीतल निवासबाट फर्किए लगत्तै स्थायी कमिटि बैठक सुरु भएको छ।
प्रतिक्रिया