गणतन्त्र दिवसको अवसरमा कागेश्वरी मनहराका भूकम्प पीडितलाई आर्थिक सहयोग गरिएको छ ।
बिहीवार वडाध्यक्ष राममणि पुडासैनी र वडा सदस्य सुनकुमार नगरकोटीको उपस्थितिमा कागेश्वरी मनोहरा नगरपालिका ३, भद्रवासका भूकम्प पीडित रामप्रसाद नगरकोटीलाई ३८ हजार रुपैयाँ हस्तान्तरण गरेका हुन् ।
लायन लिडर रमेश कुमार लामाको अगुवाईमा राईजिङसन तथा सुन्दरीजल लायन्स क्लब, लायन लिडर दिपेन्द्र सिम्खडा, लायन्सका पूर्वगर्भनर कुमारराज सुवेदी र आलापोट निवासी जयराम खड्काले मिलेर संयुक्त रुपमा सहयोग गरेकाे जनाइएकाे छ ।
२०७२ सालको विनाशकारी भूकम्पबाट विस्थापित भएका रामप्रसादले अझैं घर बनाउन सकेका छैनन् ।
वर्खायाम सुरु हुँदा ओत लाग्ने ठाउँ बनोस भनेर सानै भए पनि मिलेर सहयोग गरेको लायन्सका पूर्वगर्भनर सुवेदीले जानकारी दिए ।
प्रतिक्रिया