कांग्रेस नेता बस्नेतद्वारा सिन्धुपाल्चोकमा स्वास्थ्य सामग्री बितरण

  • 1.8K
    Shares

नेपाली कांग्रेसका केन्द्रीय सदस्य एवम पूर्व सूचना तथा सञ्चारमन्त्री मोहनबहादुर बस्नेतको अगुवाईमा सिन्धुपाल्चोकका दुई स्वास्थ्य केन्द्रलाई कोरोना परीक्षणमा प्रयोग हुने स्वास्थ्य सामग्री वितरण गरिएको छ ।

कोभिड–१९ (कोरोना भाइरस) को आशंकामा स्वास्थ्य संस्थामा परीक्षणका लागि आएका बिरामीको उपचारमा स्वास्थ्यकर्मीले प्रयोग गर्ने सामग्री अभावलाई ध्यानमा राखेर पूर्बमन्त्री बस्नेतको पहलमा आवश्यक सामग्री वितरण गरिएको हो ।

बाह्रविसे नगरपालिकाका प्राथामिक स्वास्थ्य केन्द्र बाह्रविसे र क्षमादेवी स्वास्थ्य चौकीमा सेनीटाइजर,साबुन माक्स, ग्लोब्स, एप्रोन लगायतका सामग्री स्वास्थ्य केन्द्रमा पुगेर उनले हस्तान्तरण गरेका थिए । त्यस्तै सिटामोल, स्वास्थ्यकर्मीहरुका लागि डिस्पोजल क्यापसहित करिब १० लाख मुल्य बराबरको सामग्री स्वास्थ्य चौकीहरुमा हस्तान्तरण गरिएको छ ।

बाह्रविसेस्थित प्राथामिक स्वास्थ्य केन्द्र सिन्धुपाल्चोक निर्बाचन क्षेत्र नम्बर १ को उच्च सुविधायुक्त स्वास्थ्य केन्द्र भएपनि सामग्री अभावमा स्वास्थ्यकर्मीलाई समस्या भएपछि सबैसँग सहयोग मागेर सामग्री वितरण गरिएको पुर्वमन्त्री बस्नेतले जानकारी दिए ।

बस्नेतले प्राथामिक स्वास्थ्य केन्द्र बाह्रविसेका डा. सिर्जना महर्जनलाई स्वास्थ्य सामग्री हस्तान्तरण गरेका थिए। संकटका बेला सबै राजनीतिक दल र स्थानीय सरकारका प्रमुखले सहयोग गर्नुपर्ने बस्नेतले बताए ।


  • 1.8K
    Shares

Facebook Comments