काठमाडौँ । लोकप्रिय गीतकार दयाराम पाण्डेयको शब्द रचनामा “ सम्झना…” बोलको नयाँ गीत बजारमा आएको छ । इण्डियन आइडल–३ का उपविजेता अमित पलको स्वर रहेको उक्त गीत सोमबार बजारमा आएको हो । गायक पलले नेपाली गीत गाउने आफ्नो रहर पूरा भएकोमा खुसी व्यक्त गरेका छन् । 

छिट्टै नै साङ्गीतिक कार्यक्रमको शिलशिलामा नेपाल आउन चाहेको र नेपाली दर्शक श्रोताहरू सँग साक्षात्कार गर्न आफू निकै नै उत्सुक भएको उनले बताए । “यो गीत शब्द सङ्गीतका हिसाबले निकै नै उत्कृष्ट रहेको छ ।” उनले भने, “यसलाई सुनेर र यसको भिडियो हेरेर प्रतिक्रिया दिनुहुन अनुरोध गर्दछु ।” 

कृष रिजालको सङ्गीत रहेको गीतको इजाज अलिले सङ्गीत संयोजन र मिक्सिङ गरेका छन् । सुरेन्द्रमान कार्कीको छायाङ्कन, सम्पादन र कलर ग्रेडिङ रहेको यो गीतको म्युजिक भिडियो पनि सार्वजनिक गरिएको छ । विशाल गुरुङले निर्देशन गरेको उक्त भिडियोमा मुक्ति उप्रेती र योगिसा महर्जनलाई काष्ट गरिएको छ । ए.बि. म्युजिक क्रिएशनको प्रस्तुति यस गीत  रचनाकार  पाण्डेय काठमाडौँ नेपालमा बस्छन्, त्यस्तै गायक पल सिलिगुढी भारतमा बस्छन् भने सङ्गीतकार  रिजाल कोलोराडो अमेरिकामा बसोबास गर्दै आएका छन् । र यस गीतको रेकर्डिङ स्ट्रिङ्गस् स्टुडियो दार्जिलिङमा गरिएको हो ।