काठमाडौंं । गीतकार दीपेन्द्र अधिकारीको शब्द रहेको  जीवनको रेल  बोलको गीतको भिडियो शुक्रवार  सार्वजनिक गरिएको छ। गायक तथा सङ्गीतकार सिडी विजय अधिकारीको सङ्गीत र राजु कार्कीको सङ्गीत संयोजनमा तयार भएको गीतमा गायिका समीक्षा अधिकारीले स्वर दिएकी छन्।  गीतको मिक्सिङ तथा मास्टरिङ राजकुमार बगरले गरेका छन्।

डिए कृयसन युट्युब च्यानलबाट सार्वजनिक गरिएको म्युजिक भिडियोमा छायाङ्कन, सम्पादन र निर्देशनको भूमिका वीरेन्द्र भाट विपिनले निभाएका छन्। झट्ट सुन्दा विगत केही समयदेखि समीक्षाको जीवनमा घटेको घटनालाई आधार मानेर लेखिएजस्तो लाग्ने गीतका शब्दहरूले आम मानिसका जीवनमा घट्ने घटनालाई प्रतिबिम्बित गरेको छ। 

सानातिना क्षणिक खुसी र आवेगमा रमाउँदा जीवनले अर्कै मोड लिएर क्षतविक्षत भएपछि मात्र थाहा भएको प्रसङ्ग गीतमा उल्लेख गरिएको छ। 

विशेष गरी मुक्तक लेखनमा हात हालेका दीपेन्द्रका मनमोहक पोखरा, चुलबुल चुलबुल प्यारी भान्जी, नेपालकी छोरी लगायत गीतहरू यस अगाडि नै  सार्वजनिक भएका छन्। २५ वर्ष भन्दा लामो समयदेखि जापानमा रहँदै आएका दीपेन्द्रले पछिल्लो समय  गीति लेखनलाई प्राथमिकता दिएका छन्।