काठमाडौं । कलाकार सुदीप हमाल अभिनीत ‘ओ रे प्रिया’ बोलको गीत सार्वजनिक भएको छ । अम्बेश शाहीको स्वर र किरण माइकलको शब्द रहेको गीतको संगीत संयोजन, मिक्स मास्टर विशाल गुरुङले गरेका हुन् ।
गीतको भिडियोमा सुदीपसँगै, सुस्मिता खत्री मुख्य भूमिकामा छिन् भने सागर रानाभाट, उर्गेन लामाको पनि अभिनय देख्न सकिन्छ । धुलिखेलमा छायांकन गरिएको भिडियोलाई अम्बेश शाहीले निर्देशन गरेका हुन् । भिडियोको छायांकन र सम्पादन प्रवेश पोख्रेलले गरेका हुन् । सुदीपले यसअघि अन्य भिडियोमा पनि अभिनय गरेका छन् । शारीरिक सुगठनमा निखार ल्याउँदै गरेका सुदीप लेखन, कलाकारिता र समाजसेवामा पनि सक्रिय छन् । भिडियोलाई सुदीपकै आफ्नै अफिसियल च्यानलबाट सार्वजनिक गरिएको हो ।