काठमाडौं । काठमाडौं महानगरमा गठबन्धनको तर्फबाट मेयर उम्मेदवार बनेकी नेपाली कांग्रेसकी सिर्जना सिंहको वडामा पनि दोब्बर मतसहित स्वतन्त्र उम्मेदवार बालेन साहले लिड गरेका छन् ।

सिंहले मतदान गरेको काठमाडौंको १६ नम्बर वडामा साहले २५६९ मत पाएका छन् भने प्रतिस्पर्धी सिंहले ११९० मत प्राप्त गरेकी छन् । त्यस्तै यो वडामा एमाले उम्मेदवार केशव स्थापितले ९९० मत पाएका छन् ।

अहिलेसम्म उक्त वडामा कुल खसेको १२३३६ मतमध्ये ६४५३ मत गणना भएको छ ।

उपमेयरमा नेकपा एमालेकी उम्मेदवार सुनिता डंगोलको जित निश्चत भएको छ । गणना हुन बाँकीभन्दा प्रतिस्पर्धीसँगको मतान्तर धेरै भएकाले उनको जित सुनिश्चित भएको छ ।