काठमाडौं-प्राध्यापक शिलु मानन्धरलाई नेपाल खुला विश्व विद्यालयको उपकुलपति पदमा नियुक्त गरिने भएको छ ।

सोमबार बसेको मन्त्रीपरिषद् बैठकले मानन्धरलाई उपकुलपति पदमा नियुक्त गर्ने निर्णय गरेको सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए ।

यसअघि विश्वविद्यालय अनुदान आयोगका अध्यक्ष भिमप्रसाद सुवेदी संयोजकत्वको सिफारिस समितिले बज्रचार्यसहित प्राडा मनप्रसाद वाग्ले र प्रा।डा। इन्द्रबहादुर कार्कीको नाम उपकुलपतिका लागि सिफारिस गरेको थियो ।

यस्तै, मन्त्रिपरिषद् बैठकले शिक्षक अस्पताल स्थापनाको लागि आवश्यक प्रक्रिया अघि बढाउन शिक्षा, विज्ञान तथा प्रविधि मन्त्रालयलाई सैद्धान्तिक स्वीकृति प्रदान गर्ने निर्णय पनि गरेको छ ।

यसैगरी सफा हिमाल अभियान २०२० मा खटिने नेपाली सेनाका सदस्यहरुलाई हिमाल आरोहण गर्दा लाग्ने सलामी दस्तुर र गार्भेज धरौटी बापतको रकम छुट दिने पनि सरकारले निर्णय गरेको पनि प्रवक्ता कार्कीले जानकारी दिए ।