December 1, 2021, Wednesday
२०७८ मंसिर १६
ताजा अपडेट
ताजा अपडेट ×

बझाङमा पहिरो जाँदा २३ जना बेपत्ता


बझाङ – बझाङमा पहिरो जाँदा २३ जना बेपत्ता भएका छन् ।

बझाङको थलारा गाँउपालिका–४ डिख्लामा मंगलबार गएको पहिरोमा पर्री २३ जना बेपत्ता भएको सुदूरपश्चिम प्रदेश प्रहरी कार्यालय धनगढीले जनाएको छ ।

Advertisement

सुदूरपश्चिम प्रदेश प्रहरी कार्यालय धनगढीका प्रबक्ता बिक्रम बहादुर चन्दका अनुसार बेपत्ता हुनेमा गगने सार्कीका एकै घरका १८ जना र नरे पार्कीको परिवारका ५ जना रहेका छन् ।

पहिरोका कारण थलाराका दुई गाँउका स्थानीय विस्थापित भएका छन भने ७ घर पुरिएका छन । तल्लो डिख्ला र माथिल्लो डिख्ला गाउँका स्थानीय विस्थापित भई त्रिभुवन मावि महेन्द्रधारमा बसिरहेको प्रहरीले जनाएको छ । सुदूरपश्चिमका पहाडी जिल्लामा टेलीफोन अबरुद्ध भएका कारण थप जानकारी लिन समस्या भएको छ ।