काठमाडौं । बागलुङको बडिगाड गाउँपालिकामा पहिरोमा परी हालसम्म ८ जनाको मृत्यु भएको छ । वडा नम्बर १० दर्लिममा ६ जना र वडा नम्बर ९ को बलघाँसमा २ जना गरी आठ जनाको मृत्यु भएको प्रहरीले जनाएको छ ।

बडीगाड गाउँपालिका १० का ७ वर्षीया मालती बुढा, ७ वर्षीया मधु बुढा, सञ्जु विककी ६ महिने नाबालिका छोरी, १३ वर्षीय मनोज बुढा, अमन बुढा र ५९ वर्षीय मैतीदेवी विकको मृत्यु भएको हो । भने वडा नम्बर ९ का १५ वर्षीय विधान परियार र गंगा विकको मृत्यु भएको हो । घटनामा संगीता बुढा, सुमित्रा विक, सीता थापा र मंगलसिंह बुढा घाइते भएका छन् ।