काठमाडौं । कानुन, न्याय तथा संसदीय मामिलामन्त्री धनराज गुरुङले आफू निष्ठाको राजनीतिबाट कतै नचुकेको दाबी गरेका छन् । मंगलबार प्रतिनिधिसभा बैठकमा ‘केही नेपाल ऐनलाई संशोधन गर्न बनेको विधेयक–२०८०’ माथि सांसदहरूले उठाएको प्रश्नको जवाफ दिने क्रममा उनले आफू आगामी दिनमा पनि निष्ठाको राजनीतिबाट नचुक्ने दाबी गरे । 

सांसदहरूले विधेयक ल्याउने क्रममा बिचौलियाहरू हाबी भएको टिप्पणी गरेका थिए । जवाफमा मन्त्री गुरुङले आफू मन्त्री सधैँ नहुने कुरामा स्पष्ट रहेकाले पदमा बहाल रहँदा निष्ठाको राजनीति नछोड्ने बताए ।