काठमाडौं । गीतकार तथा संगीतकार जानकी पन्थ लामो समयपछि सांगीतिक क्षेत्रमा फर्किएकी छिन् । यसपटक उनले तीज गीतमार्फत सांगीतिक क्षेत्रमा फर्किएकी हुन् ।

पन्थको शब्द तथा संगीतमा तयार भएको नयाँ तीज गीत ‘अब त चाहियो काठमाडौंमा घर’ को म्युजिक भिडियो म्युजिक नेपालको यूट्युब च्यानलबाट सार्वजनिक भएको छ ।
यो गीतमा गायिका अस्मिता अधिकारी तथा गायक अलिफ खानको स्वर सुन्न सकिन्छ । यो गीतमा महेन्द्र भण्डारीको संगीत संयोजन छ । भिडियो अभिनेता एसराज गराच तथा अनु शाह मुख्य भूमिकामा छन् । भिडियोमा आनन्द थापा, नन्दा अधिकारीका साथमा बाल कलाकारहरु हृदया तथा आदित्यले पनि अभिनय गरेका छन् ।

मोहन राईको नृत्य संयोजन रहेको यो भिडियोलाई सुव्रत आचार्यले निर्देशन गरेका हुन् । सन्तोष राजवाहकको कोरियोग्राफी रहेको यो भिडियोका छायांकार दिनेश पराजुली हुन् भने विष्णु खड्का यसका सम्पादक हुन्।
पन्थका यसअघि ू ओए बुढा, तम्घासबाट हिडेको गाडि, पल्लाघरे लाहुरेले लान्छ अरे बाइ, बबाल तीज लगायतका तीज गीत तथा वाचा त गरे, बोल न केही, रोकिन लाग्यो सास मेरो प्रिया, लागायतका आधुनिक गीत गजल र हल्ला चल्छ चलिरहन देउ, यो मायामा रुन नपरोस्, डाडावारि जुन भयो त डाडापारी घाम, लगायतका लोकदोहोरी गीतहरु सार्वजनिक भएका छन् । एकल शब्द तथा सङ्गीतमा एल्वम निकाल्ने उनी नेपालकै पहिलो महिला समेत हुन् ।