काठमाडौँ । गीतकार अमर वान्तुको नयाँ गीत ‘पाउजु बजाउँदै ’सार्वजनिक भएको छ । सहिमा श्रेष्ठ र वसन्त प्रकृतिको स्वर, सन्तोष श्रेष्ठको सङ्गीत, नरेन्द्र वियोगीको एरेञ्ज/ मिक्सिङ रहेको गीतको भिडियो सार्वजनिक भएको हो ।

स्मृति तिमिल्सिनाको निर्देशन र कोरियोग्राफी रहेको गीतको भिडियोमा सहिमा श्रेष्ठ, तेजुला खतिवडा, सजिना श्रेष्ठ , अभिषेक खडका र नरेश बीर सिंहको अभिनय रहेको छ ।  करण चैसरले खिचेको भिडियोलाई पदम सुबेदीले सम्पादन  मिलन बिश्वकर्माले रंग संयोजन गरेका हुन् । गीतको भिडियो सहिमा श्रेष्ठकै च्यानल मार्फत सार्वजनिक गरिएको हो ।

भोजपुरको दिल्पा नागीमा जन्मिएका गीतकार अमर वान्तु राइका यस अघि ‘अमर भावना’ ‘अमर भावना–२’ नामक एकल गीति एल्बम सहित थुप्रै गीतहरू सार्वजनिक भैसकेका छन् ।  गीतकार सङ्घ नेपालका आजीवन सदस्य वान्तु गीतकार सङ्घ को १५ लाख रुपैयाँको अक्षयकोषका दाता पनि हुन् ।    साहित्यसँगै रमाउन थालेका उनी गीति लेखनमा पछिल्लो समय निकै सक्रिय छन् ।