काठमाडौं । गायक यश कुमार र अनु चौधरीको स्वरमा म्युजिकल फिल्म ‘सुस्तरी सुस्तरी’ सार्वजनिक भएको छ । गीतमा शब्द संगीत पनि यश कुमारकै रहेको छ ।
सार्वजनिक भिडियोमा एक नगर प्रहरी र सडकमा मकै बेच्दै गरेकी युवतीबीचको प्रेमकथा देखाइएको छ । काठमाडौँ महानगरपालिकामा मेयरमा बालेन साहले जितेपछि काठमाडौँ सहरको सडक पेटीमा व्यापार गर्नेहरूलाई नगर प्रहरीले गरेको गतिविधि र त्यसमा व्यापार गर्नेहरूको समस्यालाई प्रेमसँग जोडिएको छ ।
नगर प्रहरीको भूमिकामा गायक तथा अभिनेता यश कुमार रहेका छन् भने सडक व्यापारीको भूमिकामा अनु थापा रहेकी छिन् । भिडियोमा राजेश घतानी, पन्छी तामाङ र अनिता लामाको पनि अभिनय रहेको छ । उत्तम हुमागाईले खिचेको भिडियोलाई विकास धमलाले सम्पादन गरेका हुन् । भिडियो निकेश खड्काले निर्देशन गरेका हुन् ।