काठमाडौं । नेपाली कलासाहित्य डट कम प्रतिष्ठानको आयोजना तथा सिस्नुपानी नेपाल र पाठशाला नेपालको संयोजनमा विद्यापतिकृत कथासंग्रह ‘पुरुष परीक्षा’ को धीरेन्द्र प्रेमर्षिद्वारा अनुदित नेपाली संस्करणको लोकार्पण गरिएको छ । पूर्वप्रधानमन्त्री केपीशर्मा ओलीको प्रमुख आतिथ्य र नेपाली कांग्रेसका महामन्त्री विश्वप्रकाश शर्माको विशिष्ट आतिथ्यमा भएको कार्यक्रममा ‘पुरुष परीक्षा’को लोकापर्ण गरिएको हो ।
कार्यक्रममा प्रमुख अतिथि, विशिष्ट अतिथिलगायत विशेष अतिथि डा. रामावतार यादव, प्रमुख वक्ता महेश पौडेल र प्रतिष्ठानका संरक्षक डा.विमल कोइरालाले पुस्तकबारे चर्चा गरेका थिए । पुस्तकको अम्बर पब्लिकेशन हाउसले प्रकाशन गरेको हो । बजरंगबली बुक इन्टरप्राइजेजले वितरणको जिम्मा लिएको छ ।