काठमाडौँ । पछिल्लो समय नेपाली गीत संगीतको एल्बम निकाल्ने प्रचलन निकै नै कम भएको छ । तर संगीतकार सुनील मास्केले आफ्नो बाह्रौँ सोलो एल्बम सार्वजनिक गरेका छन् । राजधानीमा एक कार्यक्रम गर्दै उनको सोलो एल्बम ‘अनुभव’ सार्वजनिक गरिएको हो । सार्वजनिक एल्बममा उदय सोताङ र मनिला सोताङको स्वर रहेको छ । सार्वजनिक एल्बममा पाँच वटा गीत समाबेश छन् । ‘कति कुरा मिठा बातमा’ हुन्छ बोलको पहिलो गीतमा अर्जुनरत्न भिखारीको शब्द र प्रदीप श्रेष्ठको संगीत संयोजन रहेको छ ।
‘हात समाई मीठा बात गरेको’ बोलको गीतमा नूतन भुसालको शब्द र सञ्जीव बराइलीको संगीत संयोजन रहेको छ । ‘तिम्रो माया जीवनको खेल हो कि’ बोलको गीतमा योगेन्द्रमणि दाहालको शब्द र प्रदीप श्रेष्ठको संगीत संयोजन रहेको छ । कता गयो त्यो बैंस बोलको गीतमा तुलसी बस्नेतको शब्द र रिदम कँडेलको संगीत संयोजन रहेको छ । ‘तिमीसँगै जिन्दगानी बिताउन पाउँ’ बोलको गीतमा सुनीता बस्नेत थापाको शब्द र सचिन सिंहको संगीत संयोजन रहेको छ । सबै गीतका रेकर्डिस्ट राजेश श्रेष्ठ हुन् भने किशोर थापाले मिक्सिङ र मास्टरिङ गरेका छन् ।
कार्यक्रममा एल्बममा समाबेश दुई वटा गीतको भिडियोसमेत सार्वजनिक गरिएको थियो । सार्वजनिक भिडियोलाई युवराज वाइवाले निर्देशन गरेका छन्