काठमाडौँ । गीतकार विपिन केसीको शब्द रचनामा रहेको ‘मेरो राजालाई’ बोलको गीतको म्युजिक भिडिओ सार्वजनिक भएको छ ।  गीतमा जय देवकोटा र एलिना चौहानको स्वर रहेको छ । गीतमा सङ्गीत पनि देवकोटाकै रहेको छ । सङ्गीत संयोजन सुरेश बानियाँले गरेका हुन् । 

गीतको म्युजिक भिडिओमा चर्चित कलाकार सागर लम्साल ‘बले’ र उषा सुबेदीको अभिनय रहेको छ । भिडिओमा रमेश विष्ट र करिश्मा देवकोटालाई पनि देख्न सकिन्छ । रोसेल थापाको निर्देशन रहेको भिडिओलाई नवराज उप्रेतीले खिचेका हुन् भने अनिल रानाले सम्पादन गरेका हुन् । लोकदोहोरी प्रतिष्ठान कास्कीका संस्थापक सचिव समेत रहेका  गायक तथा गीतकार विपिन केसी विगत बाह्र बर्षदेखि जापानमा व्यवसाय गर्दै आएका युवा व्यवसायी पनि  हुन् ।