काठमाडौं । नायिका हुदै गायनमा चर्चा कमाइरहेकी सारिका घिमिरेको स्वरमा रहेको गीत ‘कलियुगकी राधा’ सार्वजनिक भएको छ । सारिकाकै शब्द, योगेशकाजीको सङ्गीत र एरेन्ज रहेको गीतको भिडियो सार्वजनिक भएको हो ।

गम्भीर विष्टको निर्देशन रहेको गीतको भिडियोमा सारिका‘कलियुगकी राधा’ बनेकी हुन् । आफ्नै अफिसियल युट्युब च्यानलमार्फत सार्वजनिक गरेको गीतको भिडियो दिनेश पराजुलिले खिचेका हुन् । सुमन बोहोराको कोरियोग्राफी रहेको भिडियोलाई रंग संयोजन र सम्पादन सुप्रिम पराजुलीले गरेका हुन् ।

सरिकाका ‘हेल्लो ’ ‘ऐसेलुको पात’ लगायतका केही गीत करोडौँ क्लबमा पुगेका छन् । यो संगै उनले गाएका ‘मायाको सुगन्ध’ ‘घिन्ताङ घिन्ताङ’ ‘रातो गलबन्दी’ र लक डाउनको समयमा सार्बजनिक भएको ‘ त्यो पर्देन’ लगायतका गीतहरु दर्शक श्रोतामाझ लोकप्रीय छन्। उनले आगो २ ,जीवन काँडाकी फूल लगायतका आधा दर्जन सिनेमामा पनि नायिकाका रुपमा काम गरिसकेकी छन् ।