काठमाडौं । गीतकार डब्बु क्षत्रीको रचना तथा संगीतकार दीपक शर्माको संगीतमा नयाँ लोकगीत ‘जिस्केर मस्केर’को भिडियो बजारमा आएको छ । यो गीतको भिडियोलाई ओएसआर डिजिटलको युट्युव च्यानलबाट रिलिज गरिएको छ ।
गीतमा गायक सविन सुवेदी र गायिका सरिता भारतीको स्वर रहेको छ । सिन्धुलीको कमलाखोँचमा प्रचलित झ्याउरे भाकालाई संकलन गरेर यो गीत बनाएको गीतकार क्षत्रीले बताएका छन् ।
गीतको भिडियोमा अभिनेता प्रवण भुसाल र गायिका सरिता भारतीको अभिनय रहेको छ । भिडियोलाई माधवराज खरेलले निर्देशन गरेका हुन् । भिडियोमा तिलक रिजालको छायाँकन, बीरेन्द्र भाट ‘विपिन’को सम्पादन तथा रँग सँयोजन रहेको छ ।