ललितपुर । राष्ट्रपति रामचन्द्र पौडेलले पाटक कृष्ण मन्दिरको दर्शन गरेका छन् ।

शुक्रबार विहानै ललितपुरमा रहेको कृष्ण मन्दिरको दर्शन गरेका हुन् ।

त्यसअवसरमा राष्ट्रपति पौडेलले सुन्दरी चोक, मूलचोक र केशवनारायण चोकसहित पाटन सङ्ग्रहालयको अवलोकन गरेको राष्ट्रपतिका प्रेस सल्लाहकार किरण पोखरेलले जानकारी दिए ।

राष्ट्रपति पौडेललाई पाटन दरबार क्षेत्रमा पुग्दा ललितपुर महानगरपालिकाका प्रमुख चिरीबाबु महर्जनले स्वागत गरेका थिए ।

पाटन सङ्ग्रहालयका निमित्त कार्यकारी निर्देशक सुरेश लाखे र स्मारक संरक्षण तथा दरवार हेरचाह कार्यालयका निमित्त प्रमुख शारदा शिवाकोटीले सो क्षेत्रको बारेमा जानकारी गराएका थिए ।