काठमाडौँ ।केहिदिन पहिले निधन भएका गायक तथा कलाकार रबिन तामाङको आज अन्त्येष्टि गरिँएको छ । अन्तिम संस्कारको लागि बिजेश्वरीस्थित शोभा भगवतीमा लानु अघि बिहान ८ बजेदेखि ११ बजेसम्म उनको पार्थिव शरीरलाई श्रद्धाञ्जली अर्पण गर्न बिहान सङ्गीत तथा नाट्य एकेडेमीको प्राङ्गण नक्सालमा राखिएको थियो ।
सञ्चार तथा सूचना प्रविधि मन्त्री रेखा शर्मा र संस्कृति, पर्यटन तथा नागरिक उड्डयन मन्त्री सुदन किरातीले गायक तामाङको पार्थिव शरीरमा राष्ट्रिय झण्डा ओढाएर सम्मान प्रकट गरेका थिए । अन्तिम श्रद्धाञ्जली दिन नेपाली कांग्रेसका महामन्त्री गगन थापा तथा कलाकारहरूको उपस्थिति रहेको संगीत तथा नाट्य प्रज्ञा प्रतिष्ठानका प्राज्ञ एबम श्रब्य दृश्य बिभाग प्रमुख चेतन सापकोटाले जानकारी दिए । कार्यक्रममा मन्त्री किराँतीले श्रष्टाहरुको निधनपछि श्रद्धाञ्जलीका लागि राख्ने व्यवस्थित ठाउँ पनि नभएको भन्दै आफ्नै कार्यकालमा व्यवस्थित भवन बनाउने बताएको पनि सापकोटाले जानकारी दिए । गायक तामाङको गत मंगलबार निधन भएको थियो। उनी बुढानीलकण्ठस्थित निवासमा मृत फेला परेका थिए।