काठमाडौं– कतारको अदालतले हत्या अभियोगमा एक नेपालीलाई मृत्युदण्डको फैसला सुनाएको छ ।

कतारी नागरिक उमैर मोहोम्मद उमैर अल रमाजानी अल–नुयमीको हत्या अभियोगमा नेपाली कामदार अनिल चौधरीलाई मृत्युदण्डको फैसला सुनाएको हो । तल्लो अदालतका न्यायाधीस मुस्तफा अल वेदाहिवीको अध्यक्षतामा बसेको इजलासले सो फैसला सुनाएको हो । तल्लो अदालतले गरेको फैसला उपर नेपाली दूतावासले चौधरीको जीवन रक्षाको लागि सर्वोच्च अदालतमा पुनरावेदन गरेको छ ।

मोहत्तरी औराही–१, का चौधरी कतारी नागरिक अल नुएमीको हत्या अभियोगमा सन् २०१७ अप्रिलको पहिलो हप्ता पक्राउ परेका थिए । अदालतले चौधरीलाई ‘गोली हानेर’ मृत्यदण्ड दिने फैसला सुनाएको हो ।