काठमाडौं ।  नेपाली कांग्रेसका केन्द्रीय सदस्य डा। रामशरण महतले जनता विधिको शासनका पक्षमा रहेको बताउनुभएको छ।

कांग्रेस चितवनले बिहीबार आयोजना गरेको उपनिर्वाचनमा विजयी वडाध्यक्षहरुलाई बधाई, सम्मान तथा शुभकामना कार्यक्रममा उहाले जसले विधि मान्यो, त्यसैलाई जनताले छानेको बताउनुभयो ।

उपनिर्वाचनमा कांग्रेसलाई ठाउँठाउँमा निर्वाचित गराएर जनताले यसअघि गरेका गल्ती सच्याएको भन्दै उहाले सरकारप्रति जनताको वितृष्णा जागेको जिकिर गर्नुभयो । उहाले भन्नुभयो जनताले अबको शक्तिका रुपमा कांग्रेसलाई लिएका छन् ।”

सोही अवसरमा कांग्रेसका प्रमुख सचेतक बालकृष्ण खाँडले नेपाली जनताले उपनिर्वाचनमार्फत कांग्रेसलाई प्रष्फुटित गराएको बताउनुभयो । कम्युनिष्टको दुई तिहाइको सरकार भएको बेलामा नेपाली जनताले लोकतन्त्रको रक्षाका खातिर कांग्रेसलाई सबल र सुदृढ गराउने चाहना देखाएको उहाको भनाइ थियो ।

वर्तमान सरकारले प्रजातान्त्रिक मूल्यमान्यतालाई कमजोर बनाउने काम गरिरहेको आरोप लगाउँदै उहाले भनुभयो सरकारले हरेक पक्षमा मानव अधिकार, लोकतन्त्र, प्रेस स्वतन्त्रता, लोकतान्त्रिक मूल्य पद्धतिलाई कमजोर बनाउने काम गरिरहेको छ, हामी सचेत हुनुपर्छ ।” यही मंसिर १४ गते भएको उपनिर्वाचनमा भरतपुर महानगरपालिका–१६ मा अमृतराज हमाल तथा खैरहनी नगरपालिका–४ मा देवबहादुर बस्नेत र ५ मा प्रतिमा कार्की बस्नेत वडाध्यक्षमा निर्वाचित हुनुभएको थियो । उहाहरुलाई सो अवसरमा सम्मान पनि गरिएको थियो ।